جسٹس پُشپِنٛدر سِنٛگھ بھٹی یَن تُل جموں و کشمیر ہایی کورٹ کہِ نوِ چیف جسٹس سٕنٛدِ حثیتہٕ حلف۔

 جسٹس پُشپندر سنگھ بھٹی چھُ جموں و کشمیر تہٕ لداخ ہائی کورٹُک 39 ہِم چیف جسٹس۔ أمۍ چھُ جسٹس سنجیو کُمار سٕنٛز جاے رٔٹمٕژ۔ جسٹس پُشپندر سنگھ بھٹی یَن چھُ جموں و کشمیر تہٕ لداخ ہائی کورٹُک چیف جسٹس سُنٛد عہدٕ سنٛبھولمُت یُس امہِ برونٛہہ قائم مقام چیف جسٹس سنجیو کُمارس سُنٛد اوس۔ سُہ آسہِ جموں و کشمیر ہائی کورٹُک 39 ہِم چیف جسٹس۔ منوج سنہا سٕنٛزِ غٲر موجوٗدگی منٛز تُل جسٹس پُشپندر سنگھ بھٹی ین وی کے سکسینہ یُس لیفٹیننٹ گورنر سٕنٛز کٲم تہِ انجام دِوان   چُھ جموں و کشمیر تہٕ لداخ ہائی کورٹ کہِ  چیف جسٹس سٕنٛدِ حثیتہٕ حلف۔

حلف بردٲرِی ہٕنٛز تقریب آیہِ شیر کشمیر یونیورسٹی آف ایگریکلچرل سائنسز اینڈ ٹیکنالوجی سرینگر کِس کنونشن سینٹرس منٛز منعقد کرنہٕ۔ اَتھ تقریٖبہِ منٛز کٔر جموں و کشمیرُک ؤزیٖرِ اعلیٰ عمر عبداللہ، نیشنل کانفرنسُک صدر فاروق عبداللہ، جموں و کشمیر قونوٗن ساز اسمبلی ہٕنٛدِ سپیکر عبدالرحیم راتھر، کابینی وزیٖرو، ہائی کورٹ جج تہٕ باقٕے اعلیٰ عہدٕدارو شرکت۔