کُولگام سڑک حٲدثس منٛز فوجی جوان ہلاک، 8 زخمی۔

جنوٗبی کشمیر کِس کُلگام ضِلعہٕ کِس دمہال ہنجی پورہ علاقَس منٛز گوٚو أکِس سڑک حٲدثَس منٛز فوج ہُنٛد اکھ جوان ہلاک تہٕ ٲٹھ زخمی ۔ فوجٕکہِ چِنار کورَن ووٚن بَٹہٕ وارِ دۄہ صُبحٲے ‘ایکس’ کِس أکِس پوسٹَس منٛز ووٚن زِ جُمعہ دۄہ شامَس کُلگام ضِلعَس منٛز أکِس آپریشن آپریشنَس دوران فوجی گاڑِ پلٹنہٕ۔ تٔمۍ ووٚن پوسٹَس منٛز زِ اَتھ حٲدثَس منٛز گوٚو اکھ فوجی جوان مارٕ، ییٚلہِ زَن کینٛہہ زخمی گٔیہِ، یِم فوراً علاج خٲطرٕ ہسپتال نِنہٕ آیہِ تہٕ یِہنٛز حالت چھِ ٹھیٖک۔
امہِ برٛونٛہہ دۄہ گٔیہِ ذٔرایعو ووٚن زِ فوجی اہلکار گٔیہِ تَمہِ وِزِ زخمی ییٚلہِ کُلگام کِس دمہال ہنجی پورس منٛز أکِس فوجی گاڑِ سڑکہِ پٮ۪ٹھ پلٹِ۔ تٔمۍ ووٚن زِ زخمی جوان آیہِ علاج خٲطرٕ جلدٕی نزدیٖکی ہسپتالَس منٛز دٲخٕل کرنہٕ، یِمو منٛزٕ اکھ زخمَن ہُنٛد تاب نہٕ سۭتۍ موٗد۔
ہسپتالَس منٛز زیر علاج باقی فوجَن ہٕنٛز حالت چھِ مستحکم ونٛنہٕ یِوان۔ أتھہِ دوران چُھ پُلیٖسن اَتھ مُتعلِق اکھ مُقدِمہٕ درٕج کوٚرمُت تہٕ کٔرٕن تٔحقیٖقات شُروع۔