پہلگام حملہٕ: جنوٗبی کٔشیٖرِ منٛز گٔیہِ بیٚیہِ ترٛیٚن سرگرم ملی ٹنٹن ہٕنٛدۍ رِہٲیشی مکانات مسمار.

جنوٗبی کٔشیٖرِ منٛز آیہِ بَٹہٕ وارِ دۄہ حالٕے پہلگام حملَس منٛز شٲمِل ترٛٮ۪ن ملی ٹنٹن ہٕنٛدۍ رِہٲیشی مکانات مسمار کرنہٕ۔ یِم آپریشن چھِ حُکامن ہِنٛدِ طرفہٕ دہشت گردن خٕلاف کریک ڈاؤن کِس سلسلس منٛز کرنہٕ آمٕژ۔
ذٔرایعن وون زِ پلوامہ ضِلعہٕ کِس مارن علاقس منٛز لشکر طیبہ کہِ ملی ٹنٹ احسان الحق شیخ سُنٛد گَھرٕ آو راتھ رٲژ مسمار کرنہٕ۔ احسان الحق شیخَس پٮ۪ٹھ چھُ پہلگام حملَس منٛز ملوث آسنک الزام لگاونہٕ آمُت۔
أتھہِ دوران آو کُلگام کِس متلاما علاقس منٛز دہشت گرد ذاکر احمد گنائی سُنٛد گَھرٕ دھماکہٕ خیز مواد سۭتہِ تباہ کرنہٕ۔ ذاکر گنائی چھُ 2023 پٮ۪ٹھٕ سرگرم تہٕ امکانَن چھُ زِ سُہ چھُ پہلگام حملَس منٛز شٲمِل۔ لشکر طیبہ کہِ دہشت گرد شاہد احمد سُنٛد گرٕ تہِ آو شوپیاں کِس چھوٹی پورہ علاقس منٛز تباہ کرنہٕ۔ شاہد کٹے یَس پٮ۪ٹھ تہِ چھُ پہلگام حملَس منٛز شٲمِل آسنُک الزام لگاونہٕ یِوان۔ حکامَو کٔر اَمہِ کاروٲیی ہِنٛز تصدیٖق۔