ایس پی او بشیر احمد سُنٛد قاتل آو گِرِفتار، تِرٛگام کِس جنگلاتی علاقَس منٛزٕ لاش برآمد۔
کشتواڑ پولیسَن چھُ لاپتہ سپیشل پولیس آفیسر (ایس پی او) بشیر احمد سُنٛد مقدمہٕ حل کرنُک داعوا کوٚرمُت تہٕ چھِکھ زٕ شکاوَر افراد گِرِفتار کٔرمٕتۍ۔ پُلسہٕ ترجمانَس مُطٲبِق چھُ تحقیٖقاتَن منٛز قتلُک مقصد تہٕ مُبیعنہٕ سٲزِش ہُنٛد ظٲہِر گوٚمُت، تہٕ واقعَس منٛز استعمال گژھَن وول قتلُک ہتھیار تہِ چھُ مُتٲثِر سٕنٛدِ ژوٗرِ چیٖزَس سۭتۍ برآمد کرنہٕ آمُت۔
پُلیٖس کہِ طرفہٕ جٲری کَرنہٕ آمتِس بیانَس مُطٲبِق دِژ 15 اکتوبر ایس پی او بشیر احمد سٕنٛدِ عیالن دِژ تٔمِس سروس ہتھیار ہیتھ تریگام پُلسہٕ تھانس منٛز لاپتہ گژھنٕچ اطلاع۔ رپورٹ موصول گژھنہٕ پتہٕ کٔر واریاہَو پُلسہٕ ٹیٖمو أمِس ژھارنہٕ خٲطرٕ بٔڑِس پیمانَس پٮ۪ٹھ کاروٲیی شُروٗع۔
تلٲشی دوران کوٚر 16 اکتوبر پولیسَن گۄڈٕ مظلوُم سُنٛد سروس ہتھیار حٲصِل، ییٚمہِ پتہٕ تِمو تٔمۍ سٕنٛز لاش سِران وانی کِس تِرٛیگام کِس جنگلاتی علاقَس منٛز أکِس نالہِ نزدیٖک أکِس کھۄڑَس منٛز لوٚب۔