وزیر اعلیٰ عمرعبداللہ ہنگٲمی حالاتن ہٕنٛدِس بُنیادس پٮ۪ٹھ جۅم روانہٕ ۔

جموں و کشمیرُک وزیر اعلیٰ عمر عبداللہ گوٚو جُمعہ دۄہ صُبحٲے پٲکِستانہٕ طرفہٕ ناکام ڈرون حملہٕ پتہٕ حالاتُک ذٲتی جٲیزٕ نِنہٕ خٲطرٕ جموں روانہٕ۔ تٔمۍ ووٚن زِ حکوٗمت چھِ حالاتَن پٮ۪ٹھ پوٗرٕ نظر تھاوان تہٕ چھِ عوامٕچ حفاظت یقینی بناونہٕ خٲطرٕ تمام مُمکنہٕ اِقدامات تُلان۔ وزیر اعلیٰ ہن ووٚن أکِس بیانَس منٛز، ‘بہٕ چھُس جموں گژھان پٔتمہِ رٲژ جموں شہر تہٕ باقی علاقن پٮ۪ٹھ پاکستان کہِ طرفہٕ ناکام ڈرون حملہٕ پتہٕ صورتحالُک جٲیزٕ نِنہٕ خٲطرٕ۔’ یہِ چھُ قٲبلِ ذِکر زِ برٛسوارِ دۄہ رٲژ کٔر پٲکِستٲنہِ فوجن جوٚموٗ، پٹھان کوٹ، اُدھم پوٗر تہٕ باقٕے علاقن منٛز ہِنٛدُستٲنہِ فوجی تنصیبن نشانہٕ بناونٕچ کوٗشِش، یِم ہِنٛدُستٲنہِ ہوٲیی دِفٲعی نظامن کامیٲبی سان ناکام کٔر۔ وزیر اعلیٰ عمر عبداللہ ہَن کوٚر ذِکِر زِ سکوٗل بنٛد کرنَس مُتعلِق یِیہِ جٲیزٕ پتہٕ ژٔنٛدٕروارِ دۄہ دُبارٕ غور کرنہٕ۔