کٔشیٖرِ منٛز پوٗرٕ پٲٹھۍ بلیک آوُٹ، کیٚنٛہن علاقن منٛز آیہِ سائرن بوزنہٕ۔

برٛٮ۪سوارِ دۄہ شامَس آو وادی کشمیر کٮ۪ن زِیٛادٕ تَر علاقَن منٛز اچانک بلیک آوٹ کرنہٕ، یَتھ دوران سری نگرَس سۭتۍ واریٛاہَن مقامَن پٮ۪ٹھ سائرن بوزنہٕ یِوان۔ ذٔرایعو مُطٲبِق ٲس یہِ کاروٲیی حِفٲظتی نقطہٕ نظرٕ سۭتہِ کرنہٕ آمٕژ۔ وادی کٮ۪ن مُختٔلِف علاقَن منٛز کٔر پولیسَن شہرِین گھرَن منٛز روزنٕچ تہٕ تمام نیبرِم لایٹہٕ بنٛد کرنٕچ اپیل ۔ عوامس آو ہوشیار روزنُک تہٕ غٲر ضروٗری نقل و حرکتہٕ نِش بچنُک مشورٕ دِنہٕ۔ یہِ کاروٲیی آیہِ تَمہِ وِزِ کرنہٕ ییٚلہِ جوٚموٗ، اُدھم پوٗر تہٕ پٹھان کوٹَس منٛز پٲکِستٲنہِ ڈرونس تہٕ میزایِل حملَن ہِنٛزٕ خبرٕ آیہِ دِنہٕ، یِم ہِنٛدُستٲنہِ ہوٲیی دِفٲعی نِظامَن ناکام کٔر۔