عمر عبداللہَن کٔر پٲکِستٲنۍ گولہٕ باری سۭتۍ پوٗنٛچھ ہَسپتالَس منٛززیرِ علاج زخمیَن ہٕنٛز عیادت۔

جموں و کشمیرُک وزیر اعلیٰ عمر عبداللہ کوٚر ژٔنٛدٕروارِ دۄہ پوٗنچھ کِس أکِس سرکٲرِ ہسپتالُک دورٕ ییٚتہِ پٲکِستٲنہِ گولہٕ باری سۭتہِ زخمی گژھَن والٮ۪ن ہُنٛد علاج چھُ یِوان کرنہٕ۔ پننِس دورَس دوران کٔر تٔمۍ زخمیَن ہٕنٛز حالت مُتعلِق پرٛژھ تہٕ دِیُتُن تِمَن حکوٗمت کہِ طرفہٕ پرٛٮ۪تھ مُمکنہٕ مدتُک یقین ۔ وزیر اعلیٰ کوٚر پتہٕ امر جیت سنگھ سٕنٛدِس عیالَس سۭتۍ مُلاقات یُس حالٕے پٲکِستٲنہِ گولہٕ بٲری منٛز مارٕ اوس آمُت۔