اننت ناگ سڑک حٲدثَس منٛز ژور نفر زخمی یِمَن منٛز ترٛےٚ امرناتھ یاتری تہِ شٲمِل چھِ۔

جنوٗبی کشمیر کِس اننت ناگ ضلعس منٛز ژٔنٛدٕروارِ دۄہ صُبحٲے أکِس سڑک حٲدثس منٛز گٔیہِ ترٛےٚ امرناتھ یاترِین سۭتۍ ژور نفر زخمی۔ اہلِکارو مُطٲبِق گٔے تمام افراد معموٗلی زخمی۔ رپورٹَو مُطٲبِق گوٚو یہِ حٲدثہٕ چندنواری نزدیٖک تَمہِ وِزِ ییٚلہِ اکھ ٹیکسی سڑکہِ پٮ۪ٹھٕ بۄن پھٔٹِتھ پییہِ، ییٚمہِ کِس نٔتیٖجس منٛز ترٛےٚ زائرین تہٕ گاڑِ منٛز سوار ڈرائیور زخمی گٔے۔