شری امرناتھ یاترا: زائرینن ہُنٛد شیٚیِم قٲفلہٕ بھگوتی نگر بیس کیمپٕ پٮ۪ٹھٕ روانہٕ ۔

سخت حفاظتی انتظامن درمیان امرناتھ یاترایہِ ہُنٛدشیٚیِم قٲفلہٕ، یَتھ منٛز 8,605 زائرین شٲمِل چھِ گوٚو از ژٔنٛدٕروارِ دۄہ صُبحٲے جموں کِس بھگوتی نگر بیس کیمپٕ پٮ۪ٹھٕ وادی کشمیر کُن روانہٕ۔ اہلِکارو مُطٲبِق چھِ وُنیُک تام 70,000 کھۄتہٕ زِیٛادٕ عقیدت مندَو مُقدس امرناتھ گۄپھِ ہُنٛد دورٕ کوٚرمُت۔ شیٚیِمِس قٲفلس منٛز چھِ 6,486 مرد، 1,826 زنانہٕ، 42 شُرۍ تہٕ 251 سادھو شٲمِل۔