یِنہٕ والٮ۪ن دۄن دۄہَن منٛز چھُ کٔشیٖرِ منٛز گرم تہٕ مرطوب موسمُک اِمکان۔

محکمہ موسمیات چہِ پیشن گویی مُطٲبِق چھُ وادی کشمیرُک موسم یِنہٕ والٮ۪ن دۄن دۄہَن تام گرم تہٕ مرطوب روزنُک امکان، حالانٛکہِ اتھ وقتس دوران چھُ کُنہِ ساتہٕ ہلکہٕ روٗد پٮ۪نُک تہِ امکان۔ تِمَو ووٚن زِ 14 پٮ۪ٹھ 16 جولائی تام چھُ وادی منٛز زیادٕ تر جایَن ہلکہٕ پٮ۪ٹھٕ درمیٲنی روٗد پٮ۪نُک اِمکان، تہٕ اتھ وقتس دوران ہٮ۪کہِ کُنہِ ساتہٕ سٮ۪ٹھاہ روٗد پٮ۪تھ۔ محکمَن چھُ پنِنِس مشورَس منٛز ذِکِر کوٚرمُت زِ کینٛژھن کمزور علاقَن منٛز چھُ اچانک سٔہلابُک خطر تہٕ سۭتۍ سۭتۍ پَسہِ یا کَنہِ ؤسِتھ یِنُک تہِ خطرٕ۔