شری امرناتھ یاترا: 6000 کھۄتہٕ زِیٛادٕ زائرینن ہُنٛد دٔہِم قافلہ بھگوتی نگر بیس کیمپ پٮ۪ٹھٕ کٔشیٖرِ کُن روانہٕ۔

شری امرناتھ جی یاترا خٲطرٕ 6000 کھۄتہٕ زِیٛادٕ زائرینن ہُنٛد دٔہِم قافلہ گوٚو جُمعہ دۄہ صبحٲے سخت حفاظتس منٛز کشمیر کُن روانہٕ۔ سرکٲرِ ذٔرایعو ووٚن زِ جُمعہ دۄہ صُبحٲے گوٚو 6,482 زائرینن ہُنٛد دٔہِم قافلہٕ بھگوتی نگر بیس کیمپٕ پٮ۪ٹھٕ 268 لۄکچن تہٕ بٔجٮ۪ن گاڑیٚن منٛز کٔشیٖرِ کُن روانہٕ۔ تِمَو کوٚر ذِکِر زِ یِمَو زائرین منٛز چھِ 4,129 جنوبی کشمیر کِس اننت ناگ ضلعَس منٛز واقع ننوان پہلگام بیس کیمپس کُن گٔمٕتۍ، ییٚلہِ زَن 2,353 زائرین وسطی کشمیر کِس گاندربل ضلعس منٛز واقع بالتال بیس کیمپس کُن چھِ گٔمٕتۍ۔