شری امرناتھ یاترا: 6,639 زائرینن ہُنٛد کٔہِم قافلہ بھگت نگر بیس کیمپ پٮ۪ٹھٕ کٔشیٖرِ روانہٕ ۔

شری امرناتھ جی یاترا خٲطرٕ 6600 کھۄتہٕ زِیٛادٕ زائرینن ہُنٛد کٔہِم قافلہ گوٚو بٹوارِ دۄہ صبحٲے سخت حفاظتی اقداماتن تحت کشمیر کُن روانہٕ۔ سرکٲرِ ذٔرایعو ووٚن زِ بَٹہٕ وارِ دۄہ صُبحٲے گٔے 275 لۄ کچن تہٕ بٔجیٚن گاڑیٚن منٛز 6,639 زائرین بھگت نگر بیس کیمپٕ پٮ۪ٹھٕ کٔشیٖرِ کُن روانہٕ۔ تِمَو کوٚر ذِکِر زِ یِمَن زائرین منٛز چھِ 4,302 جنوٗبی کشمیر کِس ضلعہٕ اننت ناگَس منٛز واقع نُنوان پہلگام بیس کیمپس کُن گژھان، ییٚلہِ زَن 2,337 چھِ وسطی کشمیر کِس ضلعہٕ گانٛدربلَس منٛز واقع بالتال بیس کیمپس کُن گژھان۔