نشاور ادوِیاتن خٕلاف مُہِم جٲری تھٲوِتھ جمِس منٛز اکھ بدنام نشاورادوِیاتن ہندِ باپٲرۍ گرفتار۔
نشاور ادوِیاتن خٕلاف مُہِم جٲری تھٲوِتھ چھُ جموں و کشمیر پولیسَن جموں منٛز اکھ بدنام نشاور ادوِیاتن ہندِ باپٲرۍگرفتار کوٚرمُت تہٕ أمۍ سٕنٛدِس قبضس منٛز ہیروئن ہیوٗ منع کرنہٕ آمُت چیز برآمد کوٚرمُت۔ پولیسٕکۍ ترجمانَن وون زِ جانی پوٗر تھانہٕ کہِ أکۍ ٹیمَن دِیُت پلورا تالابَس نزدیٖک معموٗل چیک کرنس دوران أکِس سُکوٗٹرَس رُکاونُک اِشارٕ، مگر سُکوٗٹر سوار کٔر پُلیٖس وُچِھتھ جایہِ جایہِ پٮ۪ٹھ ژلنٕچ کوٗشِش۔ وونہِ گو٘ سُہ آو جایہِ واقعہٕ رٹنہٕ۔ تٔمۍ ووٚن زِ تلاشی دوران آو أمۍ سٕنٛدِ قبضہٕ نِش 5 گرام ہیروئن ہیوٗ چیز برآمد کرنہٕ۔ مُلزِم ہٕنٛز شناخت چھُ پلورا کِس روزن وٲلِس نشانت سنگھ سُنٛد نیٚچُو، جے پرتاپ سنگھ سٕنٛدِ ناوٕ سۭتۍ کرنہٕ آمُت۔ پُلیٖس ترجمانَن ووٚن زِ جانی پوٗر پُلیٖس تھانس منٛز چھُ این ڈی پی ایس ایکٹس تحت مقدمہ درٕج کرنہٕ آمُت تہٕ مٔزیٖد تفتیش چھِ شُروٗع گٔمٕژ۔ جانی پوٗر پولیسَن چھُ عوامس اپیل کٔرمٕژ زِ تِم کٔرِن نشاور ادوِیاتن خٕلاف کریک ڈاوُن یقینی بناونہٕ خٲطرٕ مُکمل تعاون فراہم کرنہٕ۔