خراب موسمی صورتحال: رام بن کٮ۪ن واریاہن علاقن منٛز سکوٗل بند ۔
خراب موسمی حالاتہِ کِنہِ کوٚر رامبن ضلعہٕ اِنتِظامِیہ ہَن بودوارِ دۄہ ژۄن تعلیٖمی زونن منٛز تمام سرکٲرۍ تہٕ پرائیویٹ سکوٗل احتیٲطی طور بنٛد کرنُک اعلان۔ رام بن کِس چیف ایجوکیشن آفیسر سٕنٛدِس أکِس حُکمَس منٛز چھُ ونٛنہٕ آمُت زِ بنیہال، کھاری، اوغرال تہٕ گول تعلیٖمی علاقَن منٛز روزن تمام سرکٲرۍ تہٕ ذٲتی تعلیٖمی ادارٕ بۄدھوارِ دۄہ موجوٗدٕ خراب موسمی حالاتہِ کِنہِ بنٛد۔ یہِ آو ذِکِر کرنہٕ زِ وۄنہِ گو٘ بٹوٹے تہٕ رام بن تعلیٖمی زونَن منٛز روزن تعلیٖمی ادارٕ معموٗل مُطٲبِق یَلہٕ۔