مرحوٗم اسد اللہ اسد سٕنزِ شعرٕ سۅمبرٕنۍ ”چھم نو ماے مشٲنی” ہٕنز رونمٲیی تقریب منعقد۔کٲشرِس ادبس تہٕ ثقافتس خٲطرٕ مرحوٗم شٲعر سٕنز خدمات روزِ ہمیشہٕ یاد : ایڈووکیٹ ہنجورا

کٔشیٖرِ ہٕندِس سرکردہ شٲعر، لِکھٲرؠ تہٕ ترجمہٕ کار مرحوم اسداللہ اسد سٕندِس گۄڈنِکِس وَرسی پیٹھ آو اکھ شاندار خراج عقیدت پیش کرنہٕ۔ اَمہِ مقصدٕ خٲطرٕ کٔر کلچرل اکادمی تہٕ کشمیر کنسرن فاونڈیشنن مِلکہٕ رٔلِتھ برواہ چادورہَس منٛز اَکہِ عظیم الشان ادبی تقریبہٕ ہُنٛد اہتمام یَتھ صدارتی بڈگامٕچ ممتاز ادبی، علمی تہٕ سمٲجی شخصیت سید یاسین بخاری کٔر۔ ڈاکٹر سید افتخار کرالہ اوس تقریبہِ منٛز مہمان اعزازی۔

اَتھ موقعس پیٹھ آو مرحوم اسداللہ اسد سٕنز نٔو شٲعری "چھم نو مے مشہانی” تہِ لانچ کرنہٕ۔ یہ ٲس تٔمۍ سٕنٛز تروٲہِم ادبی کٲم۔

اتھ تقریبس منز کٔر واریاہ ادبی تہٕ سماجی شخصیاتو شرکت، یمن منز مشہور ماہر لسانیات، اسکالر تہٕ ممتاز ادیب ڈاکٹر غلام نبی حلیم، ڈاکٹر رؤوف عادل، پرویز رانا (جے کے اے ایس) تہٕ منیر سرائی بالیسم شٲمل چھِ۔