شوپیانَس منٛز 2 ڈرگ ڈیلر زنانہٕ گِرِفتار، بٔڑِس مِقدارَس منٛز آو ممنوعہ مادٕ برآمد کرنہٕ: پولیس

ڈرگ ڈیلرَن خلاف بٔڑِس پیمانَس پٮ۪ٹھ کریک ڈاؤن جٲری تھٲوِتھ کٔر جموں و کشمیر پولیسَن جنوٗبی کشمیر کِس شوپیاں ضِلعَس منٛز زٕ زنانہٕ ڈرگ ڈیلر گِرِفتار تہٕ یِہنٛدِس قبضَس منٛز کٔرٕکھ بٔڑِس مقدارَس منٛز ممنوعہ مادٕ برآمد ۔ پُلسہٕ کہِ ترجمانَن ووٚن أکِس بیانَس منٛز زِ پُلیٖس پوسٹ ووچی ہٕنٛزِ أکہِ ٹیٖمَن رُکٲوۍ ملہورا زین پورہ علاقَس منٛز معموٗل چیکنگ دوران زٕ زَنانَن ۔ زنانہٕ آسہٕ زٕ بٔڑۍ بیگ ہیتھ تہٕ ٲس شَک پٲٹھۍ پکان۔ تٔمۍ ووٚن زِ تلٲشی دوران اوسُکھ ٹھیلہٕ منٛزٕ 15 کِلوگرام چرٕس تہٕ 1 کِلو چرس ہیوٗ مواد برآمد کوٚرمُت۔ گِرِفتار کرنہٕ آمٕژ زَنانَن ہٕنٛز شناخت آیہِ راکھی لُتوُر پلوامہٕچ روزَن واجیٚنہِ روبینہ اختر تہٕ کیوانی ڈگری پورہ پلوامہٕچ روزَن واجیٚنہِ نرگِس جان ناوٕ سٕنٛدِ ناوٕ سٕتہِ کرنہٕ۔ پُلسہٕ ترجمانَن وون زِ اَتھ سلسلَس منٛز چھُ زینا پورہ پُلسہٕ تھانس منٛز ایف آئی آر نمبر 92/2025 تحت این ڈی پی ایس ایکٹ کٮ۪ن مُتعلقہٕ دفعاتن تحت مقدمہٕ درٕج کرنہٕ آمُت تہٕ مٔزیٖد تفتیش چھِ شُروٗع کرنہٕ آمٕژ۔ تٔمۍ ووٚن ووٚن زِ پُلیٖس چھِ نَشہٕ نِش پاک معاشرَس خٲطرٕ پرعزم ۔