جموں و کشمیر قونوٗن ساز اسمبلی ہُنٛد ہرد اجلاس سپد سرینگرَس منٛز شروع

جموں و کشمیر قونوٗن ساز اسمبلی ہُنٛد ہردُک اجلاس برٛسوارِ دۄہ شُروٗع، یَتھ منٛز سپیکر عبدالرحیم رایٹَن واریاہَن مرحوٗم سیٲسی رہنُماہن خراج تحسین پیش کوٚر۔ سپیکرَن کٔر جموں و کشمیرٕکۍ سٲبقہٕ گورنر ستیہ پال ملک، سٲبقہٕ وزیر گُلچین سنگھ چارک، سٲبقہٕ وزیر دِنا ناتھ بھگت، سٲبِقہٕ اسمبلی ممبر غلام نبی شاہین، سٲبِقہٕ ایم ایل سی رمیش اروڑہ، سٲبقہٕ ایم ایل سی سردار محمد اخلاق، تہٕ سٲبقہٕ MLC.As ہَس خراج تحسین پیش کٔرِتھ ایوانَس خٕطاب کٔرِتھ، سپیکر راتھرَن دِیُت قونوٗن سازن زور زِ تِم کٔرِن محدود وقتُک زیادٕ کھوتہٕ زیادٕ فٲیدٕ۔