کٲشِرۍ زنانہٕ اَفسَرس سٍتۍ مبینہ زیادتی، عمرعبداللہ سٕنٛز چیف سیکریٹریس چِٹھۍ، محبوبہ مفتی سٕنٛز کاروٲیی کرنٕچ منٛگ۔

جموں و کشمیرٕکۍ سٲبقہٕ ؤزیٖرِ اعلیٰ تہٕ پی ڈی پی صدر محبوبہ مفتی یَن کٔر سینئر آئی اے ایس اَفسَر کُمار راجیٖو رنجنَس خٕلاف سخٕت کاروٲیی ہٕنٛز منٛگ۔ وزیر اعلیٰ عمر عبداللہ ہَن تہِ کوٚر سوشل میڈیاہَس پٮ۪ٹھ اَتھ معاملَس پٮ۪ٹھ سخٕت ناراضگی ہُنٛد اِظہار تہٕ ووٚنُن زِ تٔمۍ چھُ یہِ مَسلہٕ چیف سیکریٹری اٹل ڈلوَس سۭتۍ تُلمُت۔ راجیٖو رنجنَس پٮ۪ٹھ چھُ أکِس آن لائن سرکٲری میٹنگہِ دوران کٲشِرۍ زنانہٕ (جے کے اے ایس) اَفسَر بینِش وانی یَس سۭتۍ مبینہ طور بدسلوکی زبان استعمال کرنُک الزام۔ جُمعہ دۄہ کٔر محبوبہ مفتی یَن وزیر اعلیٰ عمر عبداللہ ہَس اپیل زِ سُہ کٔرِن یہِ مَسلہٕ مرکٔزی حکوٗمتَس سۭتۍ تُلنہٕ تہٕ اَفسَرَس خٕلاف کاروٲیی یٔقیٖنی بناونہٕ۔ تٔمۍ لیوٚکھ سوشل میڈیا پلیٹ فارم ایکسَس پٮ۪ٹھ زِ یُتھ غٲر ذِمہٕ دارانہٕ تہٕ توہین آمیز وتیرٕ ہٮ۪کو نہٕ برداش کٔرِتھ۔