جموں و کشمیر بورڈ امتحان شُروٗع، 270,000 طٲلبہِ عٔلِمن ہٕنٛز شِرکت۔سکینہ اِٹوہن کٔر طالبہِ علمَن پننہِ تیٲری پٮ۪ٹھ پژھ کرنٕچ تہٕ امتحانَن دوران پُرسکون روزنٕچ حوصلہٕ اَفزٲیی۔
10مہِ جمٲژ ہُنٛد امتحان چھُ از ژٔنٛدٕروارِ دۄہ کٔشیٖرِ تہٕ جوٚم کٮ۪ن سردٕ علاقن منٛز شُروع گَژھان۔ اَمہِ پتہٕ گَژھِ 12مہِ جمٲژ ہُنٛد امتحان 21 اکتوبر پٮ۪ٹھٕ تہٕ 11مہِ جمٲژ ہُنٛد امتحان 29 اکتوبر پٮ۪ٹھٕ شُروٗع۔ یہِ چھُ قٲبلِ ذِکِر زِ جموں و کشمیر بورڈ کِس امتحانَس منٛز چھِ تقریباً 270,000 طٲلبہِ عٔلِم حصہٕ نِوان۔
وزیرِ تعلیم سکینہ اِٹوَن کٔر امتحانَس منٛز حصہٕ نِنہٕ والٮ۪ن طالب علمَن نیک خواہشات تہٕ تِمَن دِیُت پوٗرٕ اعتماد، مُنٲسِب تیٲری تہٕ مثبت ذہنیتَس سۭتۍ حصہٕ نِنُک زور۔
سوشل میڈیا پلیٹ فارم ‘ایکس’ پٮ۪ٹھ شیئر کرنہٕ آمتِس أکِس پیغامَس منٛز ووٚن سکینہ ایتوَن زِ جموں و کشمیر بورڈ آف سکول ایجوکیشن (جے کے بی او ایس ای) چھِ امتحان آسانی سان تہٕ مؤثر طریقہٕ سۭتۍ منعقد کرنہٕ خٲطرٕ تمام ضروری تیٲرِی مُکمل کٔرمٕژ۔