عمر عبداللہ سٕنٛز حکومت گٔیہِ لوٗکَن ہٕنٛز وۄمید پوٗرٕ کرنس منٛز ناکام: جی ایم شاہین

جموں و کشمیر خٲطرٕ جنتا دل (یونائیٹڈ) ہٕکۍ صدر جی ایم شاہینَن کٔر بوموارِ دۄہ عمر عبداللہ سٕنٛدِس قیادتس منٛز حکومتس پٮ۪ٹھ سخت تنقید تہٕ الزام لگٲوِتھ زِ سُہ چھُ عوٲمی وۄمید پوٗرٕ کرنس منٛز ناکام تہٕ سٲرِسٕے علاقَس منٛز عام شہرین درپیش مشکلاتَن منٛز اضافہٕ کران۔

پارٹی کِس سرینگر دفترَس منٛز أکِس پریس کانفرنسَس منٛز تقریر کٔرِتھ ووٚن شاہیٖنَن زِ عظیم وعدَو باوجوٗد چھِ حکوٗمت مقٲمی پاور پرٛوجیٚکٹو پٮ۪ٹھٕ مُفت یا کٲفی بجلی فراہم کرنس منٛز ناکام گٔمٕژ، ییٚمہِ کِنۍ لوٗکھ بڑوُن معٲشی تہٕ گَریلوٗ دباو برداشت کرُن۔

"جموں و کشمیرٕکۍ لُکو ٲسۍ راحت تہٕ ترقی ہٕنٛز توقع کٔرمٕژ، مگر امہِ بدلہٕ چھِ یِمَن زِیٛادٕ ٹیرف تہٕ ناکٲفی فراہمی ہُنٛد سامنہٕ ۔ سون علاقہٕ چھُ بجلی پٲدٕ کران – توتہِ چھِ سٲنۍ پنٕنۍ آبٲدی امہِ نِش محروم روزان۔”

تٔمۍ کٔر روڈ ٹرانسپورٹ کارپوریشنَس پٮ۪ٹھ حکوٗمتٕچ بد انتظامیَس پٮ۪ٹھ تہِ سٮ۪ٹھاہ تشویشُک اظہار۔