بی جے پی جموں و کشمیرَن دِیُت عمر عبداللہ سٕنٛدٮ۪ن متنازعہ تبصرَن ہُنٛد جواب۔

بھارتیہ جنتا پارٹی (بی جے پی)، جموں و کشمیرَن کوٚر اَز جواہر نگر، سرینگرَس منٛز پارٹی ہیڈکوارٹرَس منٛز اکھ پریس بریفنگ ہُنٛد انتظام۔ بی جے پی ترجمان ڈاکٹر ابھیجیت جسروتیاہَن کٔر تقریٖب یَتھ منٛز الطاف ٹھاکر، ساحل بشیر بھٹ تہٕ منظور بھٹ شٲمِل ٲسۍ۔

میڈیاہَس خٕطاب کٔرِتھ کٔر ڈاکٹر ابھیجیت جسروٹیاہَن سٲبِق ؤزیٖرِ اعلیٰ عمر عبداللہ سٕنٛدِ حالٕے بیانَن پوٗرٕ پٲٹھۍ رَد، یَتھ منٛز بی جے پی ہٕنٛدِ راجیہ سبھایہِ منٛز مُسلمانَن ہٕنٛزِ نُمٲینٛدگی پٮ۪ٹھ سوال چھُ کَران۔ جسروتیاہَن ووٚن زِ عمر عبداللہ ہَس نِش چھُنہٕ نمایندگی پٮ۪ٹھ کتھ کرنہٕ خٲطرٕ اِخلٲقی اختیار، اِشارٕ کٔرِتھ زِ نیشنل کانفرنسَن (این سی) چھُ "مسلمانن بااختیار بناونہٕ ورٲے ووٹ بینک پٲٹھۍ استعمال کوٚرمُت”۔

ڈاکٹر جسروتیاہَن کوٚر عمر عبداللہ تہٕ تٔمۍ سٕنٛدِس خاندانَس پٮ۪ٹھ خاندانی سیاستَس برقرار تھاونُک الزام تہِ یٔمۍ جموں و کشمیرٕچ ترقی منٛز واریاہَو ؤریو پٮ۪ٹھ رُکاوٹ چھِ ترٛٲومٕژ۔ تٔمۍ ووٚن تبصرٕ،”یِمو حکومتس دوران سلطنتہٕ بنٲو تِم چھِ وۄنۍ باقین شمولیتَس پیٹھ لیکچر دِوان۔ عبداللہ خاندانن کٔر ؤری وادن اتھ علاقس پیٹھ حکومت۔”