اے آے پین کوٚر بڈگٲمِس اکھ ماڈل حلقہٕ بناونُک عہد : اِنعام النبی

عوامی اتحاد پارٹی (اے آئی پی) ہٕکۍ چیف ترجمان، انعام النبین دِیُت از بڈگام أکِس ماڈل حلقس منٛز تبدیل کرنُک پارٹی وعدٕ۔ یتھ منٛز جٔدیٖد بُنیٲدی ڈھانچہٕ، نوجوانَن پٮ۪ٹھ توجہ دِنہٕ واجنہِ پالیسیہٕ تہٕ لوٗکَن ہٕنٛدِ طرفہٕ ترقی شٲمِل چھےٚ۔

اِنعامَن ووٚن زِ اے آے پی یُک نظریہِ چھُ بُنیٲدی سٔہوٗلِیَتن منٛز ہُرٮ۪ر، سڑکہٕ بہتر بناونہِ، صحت تہٕ تعٲلیٖمی سٔہوٗلِیات مضبوٗط بناونَس تہٕ شفاف حُکوٗمت یٔقیٖنی بناونَس پٮ۪ٹھ مرکوز۔

اِنعام النبین ووٚن زِ بڈگامٕکۍ نوجوان چھِ اعلیٰ درجہٕ کٮ۪ن موقعَن ہٕنٛدۍ مستحق۔ تٔمۍ ووٚن زِ أسۍ کٔرِو مقٲمی صلٲحیتن فروغ ، کھیلن خٲطرٕ تھاوو وقف مٲدان اپ گریڈ کٔرِتھ، تہٕ تِم جایہِ بنٲوِو ییٚتہِ نوجوان لُکھ ترقی کٔرِتھ، مُقابلہٕ کٔرِتھ تہٕ پنٕنۍ مہارتُک مُظٲہرٕ ہیکن کٔرِتھ۔” تٔمۍ دیُت اتھ کَتھِ پٮ۪ٹھ تہِ زور زِ اے آٮٔی پی چھُ کھیلَن ہٕنٛز ترقی، کارٕبٲری تہٕ اختراعی نوجوانَن ہٕنٛدٮ۪ن پروگرامن فروغ دِنہٕ باپتھ وقف یُتھ بڈگام ہیٚکہِ ٹیلنٹ تہٕ اقتصٲدی زندگی ہُنٛد مرکز بٔنِتھ۔