کشمیر میراتھانس منٛز 27 رِیاستَن تہٕ 11 مُلکَن ہٕنٛدٮ۪ن 1500 کھلٲڑین ہِنٛز شرکت ۔

کشمیر میراتھان 2025 ییہِ پگاہ سرینگرس منٛز منعقد کرنہٕ، یَتھ منٛز مُلکہٕ کٮ۪ن 27 رِیاستَن تہٕ مركزی زیر انتظام علاقَن سۭتۍ سۭتۍ 11 غٲر مُلکی مُلکَن ہٕنٛدۍ کھلٲڑۍ حصہٕ نِنۍ۔ یمن ملکن منٛز چھِ جرمنی، ڈنمارک، امریکہ، ایتھوپیا، کینیا، جاپان تہٕ سری لنکا شٲمل۔ پہلگام واقعہٕ پتہٕ چھُ یہِ میراتھان وادی منٛز سارِوٕے کھۄتہٕ بٔڈ عوٲمی تہٕ سیاحتی تقریب، ییٚمیُک مقصد کٔشیٖرِ ہٕنٛز مثبت تصویر اجاگر کرٕنۍ تہٕ مقٲمی معاشیاتس نٔو رفتار دِنۍ۔ حکامَو چُھ ووٚنمُت زِ یونٹَس منٛز چھِ کم از کم 1,500 دورن والٮ۪ن ہِنٛدِ دورنٕچ وۄمید ییٚلہِ زَن 1,200 کھۄتہٕ زِیٛادٕ کھلٲڑۍ چھِ گۄڈَے پننٮ۪ن عیالَن سۭتۍ سرینگر وٲتِمٕتۍ۔ تِمَو ووٚن بیٚیِہ زِ امہِ تقریبہِ سۭتۍ میلہِ مقٲمی ہوٹل صنعت، دستکٲری شعبہٕ، تہٕ نقل و حملٕچ خدماتَن واریاہ فٲیدٕ، تِکیازِ کھلٲڑٮ۪ن ہِنٛدٮ۪ن عیالَس تہٕ کوچَن سۭتۍ یِنہٕ سۭتۍ چھُ کارٕبٲرۍ سرگرمیَن نمایاں طور فروغ ووتمُت۔ أتھۍ دوران چھےٚ کشمیر میراتاھن کہِ پیش نظر سرینگر ٹریفک پولیسَن اکھ خصوٗصی ایڈوائزری جٲری کٔرمٕژ۔