طِبی داخلَن منٛز چھُ مذہبی امتیاز ناقابل قبول، آیینُک تقدس چھُ چیلنج کرنہٕ آمُت: عمر عبداللہ

جموں و کشمیرٕکۍ وزیر اعلیٰ عمر عبداللہ ہَن کوٚر بودوارِ دۄہ تٲلیٖمی شعبَس منٛز مذہبَس پٮ۪ٹھ مبنی فٲصلَن تہٕ امتیازی سلوک کِس عملَس پٮ۪ٹھ سخٕت ناراضگی ہُنٛد اِظہار تہٕ وونُن زِ ہِنٛدُستٲنۍ ٲییٖن چھُ واضح پٲٹھۍ پرٮ۪تھ شہریَس مذہب، ذات پات یا عقیدٕ علاوٕ برابر حقوٗق دِوان۔ بدقسمتی سان، تٔمۍ کوٚر نوٹ زِ از چھ تعلیم ہیو اکھ حساس تہٕ مقدس شعبہٕ تہٕ مذہبی شیٖشہٕ سۭتۍ وچھنہٕ یوان۔

پوٗنٛچھَس منٛز أکِس عوٲمی اجتماعَس خٕطاب کٔرِتھ ووٚن وزیر اعلیٰ ہن زِ آییٖن چھُ ضمانت دِوان زِ پرٮ۪تھ شہریَس چھُ جمہوٗرِیَتٕکۍ تمام فٲیدٕ تُلنُک حق مگر موجودٕ صورتحال چھِ تتھ مُقامَس تام ووتمُت زِ میڈیکل کالج ہِوۍ اعلیٰ اِدارٕ تہِ چھِ مذہبی بنیادس پٮ۪ٹھ امتیازی سلوکُک مُظٲہرٕ کران۔ تٔمۍ ووٚن افسوس سان زِ از چھُ یہِ وننہٕ یِوان زِ مسلمان یا غٲر ہیندِ طٲلب علم گژھن نہٕ میڈیکل کالجَن منٛز آسٕنۍ۔ اگر أسۍ شُرین ہٕنزِ قابلیت نظر انداز کٔرِتھ مذہبس پیٹھ مبنی فٲصلہٕ کرُن شروع کٔرِو، تیلہِ کیا بنہِ امہ ملکُک ٲییٖن؟۔