یوم آئین: ہِندوستانچہِ صدرن کٔرۍ کٲشُر ہٮ۪تھ 9 زَبانَن منٛز آییٖنُک ڈیجٹل ایڈیشن جٲریناری شکتی بندھن ایکٹ کَرِ زنانَن ہٕنٛزِ ترقی منٛز اکہِ نوِ دورُک آغاز/دروپدی مرمو

جموں و کشمیر پٮ۪ٹھٕ آرٹیکل 370 منسوخ کرنَس مُتعلِق کتھ کران، یٔمۍ مُلکٕچ مجموعی سیٲسی یکجہتی منٛز رُکاوٹ دور کٔر، ہندوستانٕچ صدر دروپدی مرموَن ووٚن زِ ناری شکتی بندھن ایکٹ بَنہِ زنانَن ہٕنٛدِس قیادتس منٛز ترقی ہٕنٛدِ اَکہِ نٔوِدورُک آغاز۔ خبرو مُطٲبِق کٔر صدر دروپدی مرموَن ہِنٛدُستٲنۍ آییٖن اپناونٕچہِ 76سالگرہ کِس موقعَس پٮ۪ٹھ سموِدھان سادنَس منٛز 75 ٲییٖن دۄہ تقریٖبٕچ قیادت۔ تقریٖبہِ دوران کوٚر صدرَن نَوَن علاوٕ ہِنٛدُستٲنۍ زبانَن منٛز آییٖنٕکۍ ڈِیجٹل ایڈیشن تہِ شروع، یَتھ منٛز کٲشِرۍ تہٕ بوڈوَس منٛز گۄڈٕنیُک ایڈیشن تہِ شٲمِل چھُ۔ پرٛانہِ پارلِمٮ۪نٛٹ عمارٕژ کِس مرکٔزی ہالَس منٛز یوم ٲییٖن کِس تقریٖبَس خٕطاب کٔرِتھ ووٚن دروپدی مرموَن زِ ہِندوستان چھُ دُنیاہَس برٛونٛہہ کُن ترقی ہُنٛد اَکھ نوٚو نمونہٕ پیش کران۔ تٔمۍ ووٚن، "سانۍ ٲییٖن بناون وٲلۍ ٲسۍ یژھان زِ سٲنۍ ذٲتی تہٕ جمہوری حقوق گژھن ہمیشہٕ محفوظ تھاونہٕ یِنۍ۔ آیینُک مقصد چھُ نوآبادیاتی ذہنیت تہٕ قوم پرستی نِش بچاوُن۔