عاقب نبی آئی پی ایل کامیٲبی :وزیر اعلیٰ عمر عبداللہ سٕنٛدِ دٔسۍ تس تہٕ تسٕنٛدٮ۪ن گرِ کٮ۪ن مبارک باد۔
جموں و کشمیرٕکۍ وزیر اعلیٰ عمر عبداللہ ہَن کوٚر آئی پی ایل 2026 چہِ نیلٲمی دوران جموں و کشمیرُک تیز گیند باز عاقب نبی دہلی کیپٹلزَس منٛز شٲمِل گژھنَس پٮ۪ٹھ خوشی ہُنٛد اِظہار تہٕ دِژٕن یہِ ریاستہٕ خٲطرٕ فخرٕچ کَتھ قرار ۔
وزیر اعلیٰ ہَن دیُت سوشل میڈیا پلیٹ فارمس ‘X’ پٮ۪ٹھ پننہِ پٲغامہٕ ذٔریعہٕ عاقب نبی یَس امہِ قٲبلِ ذکر کامیٲبی پیٹھ مبارک باد۔ تمہِ چھُ لیٚوکھمُت زِ عاقب نبی سٕنٛز کامیٲبی چھےٚ تٔمۍ سٕنٛزِ مُسلسل محنتہٕ، لگن تہٕ جدوجہدُک نتیجہٕ یتھ پٮ۪ٹھ سارِسٕے جموں و کشمیرَس فخر چھُ۔
عمر عبداللہ ہَن ووٚن زِ سُہ چھُ خۄش زِ عاقب نبی سٕنٛز ؤری وادَن ہٕنٛز کوٗشش چھےٚ اتھ بٔڑِس منظرَس پٮ۪ٹھ تسلیم کرنہٕ آمٕژ۔ تٔمۍ کٔر یہِ تہِ وۄمید زِ یِنہٕ وٲلِس آئی پی ایل سیزنَس منٛز کَرِ عاقب نبی شاندار کارکردٕگی ہُنٛد مظٲہرٕ تہٕ کَرِ پننِس ٹیمَس سۭتۍ مزید کامیٲبی حٲصِل۔