ؤری 2025: بڈگام پولیسَن کوٚر این ڈی پی ایس ایکٹَس تحت 3.69 کرور رۄپیہِ ہُنٛد اثاثہٕ ضبط.
جموں و کشمیر پولیسَن کٔر 2025 ہَس دوران مرکٔزی ضِلعہٕ بڈگامَس منٛز این ڈی پی ایس ایکٹَس تحت 3.69 کرور رۄپیہِ ہٕنٛدِ اثاثہٕ ضبط، یَتھ منٛز 8 رہٲیشی مکانہٕ، 6 کنال تہٕ 1 مرلہٕ زٔمیٖن تہٕ 3 گاڑِ شٲمِل ٲسۍ۔
پُلسہٕ کہِ ترجمانَن ووٚن زِ 2025 ؤرۍ یَس دوران کٔر بڈگام پولیسَن ضِلعَس منٛز این ڈی پی ایس ایکٹَس تحت 3.69 کرور رۄپیہِ ہٕنٛدِ اثاثہٕ ضبط، یَتھ منٛز 8 رہٲیشی مکانہٕ، 2 شاپنگ کمپلیکس، 6 کنال تہٕ 1 مارلا زٔمیٖن تہٕ 3 گاڑِ شٲمِل چھِ۔ تٔمۍ ووٚن زِ یِم اثاثہٕ ٲسۍ غٲر قونوٗنی منشیاتٕچ تجارت سۭتۍ حٲصِل کٔرمٕتۍ۔
تٔمۍ ووٚن ووٚن زِ 2025 ہَس دوران کٔرۍ بڈگام پولیسَن 83 ڈرگ ڈِلَر گِرِفتار، یِمو منٛز 15 این ڈی پی ایس ایکٹَس تحت حِراستَس منٛز نِنہٕ آیہِ، ییٚلہِ زَن 58 مقدمہٕ آیہِ این ڈی پی ایس ایکٹَس تحت درٕج کرنہٕ۔