یِنہٕ والٮ۪ن 3 دۄہَن تام روزِ کٔشیٖرِ ہُنٛد موسم غٲر مستحکم روزنُک امکان

محکمہ موسمیات چہِ پیشن گویی مُطٲبِق ہیکہِ وادی کٔشیٖرِ ہٕنٛز موسمی حالت یِنہٕ والٮ۪ن 3 دۄہَن تام غیر مستحکم روزِتھ، یَتھ وقتَس دوران وادی کٮ۪ن پہٲڑی علاقن منٛز ہلکہٕ شیٖن یا روٗد پیٚیہِ۔مُتعلقہٕ محکمٕکۍ ترجمانَن ووٚن زِ 31 جنوری شامَس ہیکہِ وادی ہٕنٛدٮ۪ن کینٛہَن پہٲڑی علاقَن منٛز ہلکہٕ شیٖن یا روٗد پیٚتھ۔تٔمۍ ووٚن زِ 1 فروری چھُ پہاڑی علاقَن منٛز ہلکہٕ شیٖن پیٚنہٕ سۭتۍ موسم اوٚبُر روزنُک امکان، ییٚلہِ زَن اتھ عرصَس دوران ہیکَن واریاہَن جاین گرٛگرٛاے تہٕ بجلی یِتھ تیز واو یِتھ۔تٔمۍ ووٚن ووٚن زِ 2 تہٕ 3 فروری روزِ موسم اوٚبُر تہٕ واریاہن جاین ہلکہٕ شیٖن یا روٗد پیٚیہِ۔ترجمانَن ووٚن زِ 4 پٮ۪ٹھٕ 6 فروری شامَس تام چھُ وادی ہُنٛد موسم کُنہِ حدس تام اوٚبُر مگر خۄشٕک روزنُک امکان، ییٚلہِ زَن 7 فروری چھُ کینٛہَن جاین بیٚیہِ ہلکہٕ شیٖن یا روٗد پیٚنُک امکان۔تٔمۍ ووٚن زِ پتہٕ چھُ 8 پٮ۪ٹھٕ 10 فروری تام موسم عام طور خۄشٕک روزنُک امکان۔دریں اثنا، وادی ہٕنٛدین زیادٕ تر حصن منٛز چُھ رٲژ ہُنٛد درجہٕ حرارت معمول کھۄتہٕ 0 پیٚٹھٕ 2 ڈگری کم آسان۔