کٔشیٖرِ منٛز سکوٗلَن ہٕنٛدِس وقتَس منٛز تبدیلی نَیَو وقتَو مُطٲبِق گژھن میونسپل حدودَن منٛز سکول صبحٲے 9 بجے شُروع، ییٚلہِ زن باقٕے سکوٗلَن منٛز تدریسی سرگرمی صبحٲے 9:30 بجے شروع گَژھہِ.

موسمَس منٛز تبدیٖلی سۭتۍ چھُ سکول ایجوکیشن ڈپارٹمنٹ، کشمیرَن سرکٲرۍ تہٕ پرائیویٹ سکوٗلَن ہٕنٛدِ کامہِ ہُنٛد وقت تبدیل کرنُک حُکُم جٲری کوٚرمُت۔ محکمہٕ تعلیٖمہِ مُطٲبِق گژھن تمام سکول 1 اپریل پیٹھٕ نَیہِ وقتَس مُطٲبِق کٲم شُروٗع۔ جٲری کرنہٕ آمٕتۍ نوٹیفکیشن مُطٲبِق آسہِ 1 اپریل پٮ۪ٹھٕ میونسپل حدودَن منٛز سکوٗلَن ہٕنٛدِ کامہِ ہُنٛد وقت صبحٲے 9 بجے پٮ۪ٹھٕ شامَس 3 بجے تام۔ میونسپل حدودَن نٮ۪بر سکوٗلَن خٲطرٕ آسَن یِم اوقات صبحٲے 9:30 بجے پٮ۪ٹھٕ دُپہرٕ 3:30 بجے تام۔ سکول ایجوکیشن ڈیپارٹمنٹَن چھُ اَتھ کَتھِ پٮ۪ٹھ زور دِیُت زِ سرینگرٕک تمام سکول چھِ سختی سان تہٕ سنجیدگی سان نَوِ وقتَن پٮ۪ٹھ عمل کران۔ یہِ چھُ قٲبلِ ذِکِر زِ وندٕ چھُٹی پتہٕ گٔیہِ وادی کشمیرٕکۍ تمام سرکٲرۍ تہٕ پرائیویٹ سکول 9 مارٕچ پیٹھٕ تعلیٖمی سرگرمیَن خٲطرٕ دُبارٕ کھولنہٕ۔