قوم مخالف سرگرمیَن منٛز مُبیعنہٕ مُلوثَت ۔ کٹھوعاہس منٛز پی ایس اے تحت گِرِفتار کرنہٕ آمُت شہری جوٚم جیلَس منٛز منتقل۔

جموں کِس کٹھوعا ضِلعس منٛز آو اکھ شہری مُبینہٕ طور پبلِک سیفٹی ایکٹس تحت گِرِفتار کرنہٕ۔ سی این آیی مُطٲبِق چھُ کتھوا ضِلعَس منٛز مُبینہٕ طور قوم مخالف سرگرمیَن منٛز ملوث اکھ شخٕص پبلک سیفٹی ایکٹ (پی ایس اے) تحت حِراستَس منٛز نِنہٕ آمُت۔ حکامَو مُطٲبِق چھِ مُلزِم سٕنٛز شناخت رومیلو سنگھ ناوٕ سۭتۍ کرنہٕ آمٕژ۔ پولیسَن ووٚن زِ مُلزِم چھُ اکھ تٲریخ نگار تہٕ چھُ قوم مخالف سرگرمیَن منٛز مُلوث۔ سِنٛگھ چُھ جۄم ضِلعہٕ جیلَس منٛز بنٛد کرنہٕ آمُت۔ أکۍ سینئر پولیس اَفسرَن کٔر اَمیُک تصدیٖق کٔرِتھ یہِ ؤنِتھ زِ یہِ شہری چھُ بار بار قوم مخالف سرگرمیَن منٛز شٲمِل لبنہٕ آمُت، ییٚمہِ پتہٕ پولیسَن کاروٲیی کٔر۔