قاضی گُنٛڈک شخٕص ازجان، عیالن دیت جی ایم سی اننت ناگَس منٛز طِبی لاپرواہی ہُنٛد اِلزام۔ تفتیش کرنک مطالبہٕ.

قاضی گُنٛڈ علاقُک اَکھ نوجوان موٗد اَشاجی پورہ کِس فروٹ اینڈ ویجیٹیبل منڈی منٛز أکِس افسوسناک حٲدِثس منٛز زخمی گژھنہٕ پتہٕ پَنٕنہِ زِنٛدٕ، ییٚمہِ سۭتۍ طِبی لاپرواہی ہُنٛد الزام پٲدٕ گٔیہِ تہٕ تحقیٖقُک مُطالبہٕ۔مرن وٲلِس سٕنٛز شناخت چھِ قاضی گُنڈَس منٛز یارہول بہامہ کِس روزَن وٲلِس مرحوٗم عبدالرحمان میر سُنٛد نیٚچُو بلال احمد میر ناوٕ سۭتۍ کرنہٕ آمٕژ۔خبرو مُطٲبِق گوٚو بلال آشاجی پورہَس نزدیٖک أکِس حٲدِثس منٛز شدیٖد زخمی تہٕ آو جلدی علاج باپتھ گورنمنٹ میڈیکل کالج (جی ایم سی) اننت ناگ نِنہٕ۔گَرِ والٮ۪و کوٚر اِلزام زِ تٔمۍ سٕنٛزِ نازک حالت باوجوٗد اوس ہسپتالَس منٛز بروقت طبی دیکھ بھال ہٕنٛز کٔمی۔تِمَو کوٚر دعویٰ زِ ضروٗرت وِزِ اوس نہٕ ضروٗری طبی عملہٕ دٔستِیاب، ییٚمہِ سۭتۍ تِمَن مُطٲبِق أمۍ سٕنٛز حالت خراب گٔیہِ تہٕ ٲخٕر کار گوٚو تٔمۍ سُنٛد موت۔