اُدھم پور-رام نگر بس حٲدثس منٛز گٔیہٕ 12 ہلاک، واریاہ زخمی**ریسکیو آپریشن جٲری۔

ژٔندٕروارِ دۄہ رام نگر-اُدھم پور وتہِ پٮ۪ٹھ جالو علاقَس نزدیٖک أکِس مسافر بسہِ ہٕنٛدِ حٲدثہٕ سۭتۍ گٔیہِ کم از کم باہ نَفر ہلاک تہٕ باقٕی واریاہ زخمی۔أکہِ سینئر پولیس اہلکارَن ووٚن خبر رساں ایجنسی کشمیر نیوز کارنر — کے این سی یَس زِ بس ٲس رام نگر پٮ۪ٹھٕ اُدھم پور گَژھان ییٚلہِ أمِس غٲر واضح حالاتَس منٛز حٲدِثہٕ گوٚو۔أکۍ سینئر پولیس افسرَن ووٚن زِ "باہ نَفر چھِ ہلاک گٔمٕتۍ، واریاہ چھِ زخمی، تہٕ بچاو کَرن واجنہِ ٹیم چھِ موقعس پیٹھ”۔حٲدثٕک وجہہ مُتعلِق چھِ مزید تفصیلاتَن ہُنٛد انتظار یِوان کرنہٕ۔پُلیٖس تہٕ مُقٲمی اِنتِظامیہ ٹیمو چُھ جایہِ پیٹھ بچاو کاروٲیی شُروٗع کٔرمٕژ تہٕ چھِ زخمیَن نزدیٖکی طبی سہولیاتَن منٛز نِوان۔ڈی آئی جی اُدھم پور شِو کُمار شرما تہِ ووت بچاو تہٕ امدٲدی کاروٲیی ہِنٛز نگرٲنی خٲطرٕ موقعہٕ جایہِ۔