وزیر اعلیٰ عمر عبداللہ ہَن کٔر بی جے پی یَس ‘ناپوٗرٕ’ ریاستی درجہ کس وعدس پؠٹھ تنقید.

وزیر اعلیٰ عمر عبداللہ ہَن کٔر ژٔنٛدٕروارِ دۄہ بی جے پی کِس قیادتس منٛز مرکٔزی حکوٗمتَس پٮ۪ٹھ تنقید یَتھ تٔمۍ جموں و کشمیرَس ریاستُک درجہٕ بحال کرنُک "ناپوٗرٕ وعدٕ” قرار دِیُت تہٕ وونُن زِ اَتھ معاملَس پٮ۪ٹھ چھُنہٕ اَمہِ طرفہٕ "کانٛہہ واضح جواب”۔ وزیر اعلیٰ ہَن کوٚر قونوٗن سازن منٛز زنانن ہِنٛدِ رِزرویشن ہِنٛدِس نفاذَس مُتعلِق بی جے پی یَس پٮ۪ٹھ تہِ حملہٕ۔ "جموں و کشمیرَس منٛز ریاستُک درجہ بحال کرنَس مُتعلِق چھُنہٕ کانٛہہ واضح جواب۔ تِم چھِ (بی جے پی) ونان — ‘صحیح وقتَس پیٹھ’۔ ‘صحیح وقتُک’ کیا مطلب چھُ؟ بہٕ چُھس تمن پرژھان — اسہِ وَن صاف پٲٹھۍ۔ اگر توہہِ ونان چھِو زِ یہِ چھُ تُہند وعدٕ، اگر ژیہ پنُن وعدٕ دِژمُت، کیا تُہٕندِس کلامَس چھُنہٕ کانہہ اہمیت؟ کیا اسہِ پزیا تہندین وعدن پیٹھ تیوٗت ہلکہ سان غور کرُن زِ تۅہہ کرو تم پریتھ جایہِ دہراونہ- سپریم کورٹس منز، پارلیمنٹس منز، جلسن منز، انتخابن منز- تہٕ پتہٕ گژھہِ پتھ کھس؟” عبداللہَن ووٚن راجوری ضِلعہٕ کِس نوشہرہ سرحدی علاقَس منٛز أکِس عوٲمی جلسس منٛز۔