ڈی آئی جی ایس کے آرَن کوٚر پولیس ضِلعہٕ اونتی پورہَس منٛز جُرمَن تہٕ حِفٲظتی منظرنامُک جٲیزٕ

ڈِپٹی اِنسپیٚکٹر جنرل آف پولیس، جٔنوٗبی کشمیر رینج (ایس کے آر)، جناب جاوید اقبال متو آے پی ایسَن کوٚر از پُلیٖس ضِلعہٕ اونتی پورہُک دورٕ تہٕ کٔرٕن ضِلعہٕ پُلیٖس آفس (ڈی پی او) اونتی پورہَس منٛز أکِس جامع جُرمَن تہٕ حِفٲظتی جٲیزٕ کِس اجلاسٕچ صدارت۔اَتھ میٹنگَس منٛز کٔر ایس ایس پی اونتی پورہ، ایڈیشنل ایس پی اونتی پورہَس سۭتۍ ایس ڈی پی او تہٕ ایس او جی ہٕکۍ ڈی وائی ایس پی یَن سۭتۍ باقٕے سینئر افسرَن شرکت۔میٹنگہِ دوران آو جُرمُک مجموعی منظر نامہٕ، معاملَن ہٕنٛز تفتیش، این ڈی پی ایس معاملات، تہٕ احتیاطی اقداماتُک تفصیلی جٲیزٕ نِنہٕ۔ ڈی آئی جی یَن کٔر دہشت گردی خلاف کوٗشِشن تہٕ پولیس ضِلعَس منٛز انسداد دہشت گردی گرڈ مضبوٗط کرنس پٮ۪ٹھ خاص توجہ دِتھ موجودٕ سیکورٹی منظرنامُک تہِ جٲیزٕ۔سیکورٹی ایجنسیَن درمیان ہم آہنگی بڑاونَس پٮ۪ٹھ آو زور دِنہٕ، علاقَس پٮ۪ٹھ غلبہٕ شٔدیٖد کرنہٕ، تہٕ خفیہ نیٹ ورکَن ہٕنٛز مضبوٗطی تاکہ قوم دشمن عناصرن ہٕنٛزِ کُنہِ تہِ کوٗشِشہِ ناکام بناونہٕ۔