*ضِلعہٕ پُلیٖس کُلگامَن کٔر نَشہٕ پاک مُہِم تحت قیموہَس منٛز منشیاتَس خٕلاف بیدٲری ریلیہِ ہُنٛد انعقاد*

جٲری ڈرگ فری مُہِم ہِنٛدِ حِصہٕ رٔنگۍ کوٚر ضِلعہٕ پُلیٖس کُلگامَن ایس ایس پی کُلگام *شری عنایت علی چودھری-آے پی ایس* سٕنٛزِ ہِدایتس تحت کُلگامَس منٛز اکھ پڈھ یاترا (بیدٲری ریلی) ہُنٛد اِنتِظام، تاکہ نشاور ادوِیاتٕکۍ نقصان دہ اثرَن مُتعلِق بیدٲری پھٔہلاونہٕ تہٕ نَشاور نشہِ پاک معاشرَس فروغ دِنہٕ خٲطرٕ۔ریلیہِ منٛز آیہِ کُلگامٕکۍ افسرَن/اہلکارَن ہٕنٛز پُرجوش شرکت، مُقٲمی لُکن ہٮ۪تھ قٲموہ تہٕ باقٕے نزدیٖکی علاقَن ہٕنٛدِ نوجوان تہِ شٲمِل، یِمو اَتھ پہل ہٕنٛز سرگرمی سان حمایت کٔر۔ اَمہِ علاوٕ کٔر بٔڑِس تعدادَس منٛز عام لوٗکھ تہِ ریلیہِ منٛز شٲمِل، یِم نشہ آور چیزن ہُنٛد غلط استعمال ختم کرنہٕ خٲطرٕ مضبوٗط اجتمٲعی عزمُک مظٲہرٕ کوٚر۔تمام شِرکت کَرن والٮ۪و کوٚر منشیاتَس سۭتۍ پاک ماحول بناونَس منٛز حصہٕ نِنُک عہدٕ۔ پلے کارڈ تُلِتھ تہٕ منشیاتَس خٕلاف نعرٕ تُلِتھ کٔر شِرکت کَرن والٮ۪و وانپو پٮ۪ٹھٕ خُدوانی کِنۍ کاواکی بازار قیموہ تام مارچ، یتھ منٛز مقٲمی بسکیٖن در تہٕ دُکاندار مؤثر طریقہٕ سۭتۍ شٲمِل گٔیہِ۔