*2 نفر آے سرینگرَس منٛز ہتھیار تہٕ گولہٕ بارود ہیتھ گِرِفتار کرنہ: پولیس*

حُکامَن ووٚن زِ پُلسن کٔر ژٔنٛدٕروارِ دۄہ سرینگرَس منٛز أکِس چوکی دوران ہتھیار، گولہٕ بوروٗد تہٕ لشکر طیبہ (ایل ای ٹی) پوسٹرَن سۭتۍ زٕ نَفر گِرِفتار۔اَکہِ اہلکارَن ووٚن خبر رساں ایجنسی کشمیر نیوز آبزرور (کے این او) زِ أکہِ پُلسہٕ ٹیٖمَن رُکٲوۍ سرینگر کِس بابا ڈیم علاقَس نزدیٖک معموٗل چیکنگ دوران أکِس موٹر سائیکلَس پٮ۪ٹھ زٕ نَفر۔تٔمۍ ووٚن زِ دۄشوٕے آیہ رُکاونہٕ، تہٕ تلٲشی دوران کٔر پُلسن تِہنٛدِ قبضَس منٛز اکھ پِستول، ترٛےٚ میگزین، 21 زندٕ گولہٕ، زٕ موبایِل فون تہٕ 10 لشکر طیبہٕ پوسٹر برآمد ۔تٔمۍ ووٚن زِ "یو اے پی اے تہٕ آرمز ایکٹ کِس مُتعلقہٕ دفعَن تحت چھُ اکھ کیس ایف آئی آر نمبر 26/2025 درٕج کرنہٕ آمُت، تہٕ مٔزیٖد تفتیش چھِ شُروٗع کرنہٕ آمٕژ”۔