شوپیاں سڑک حٲدثس منٛز گٔیہِ زٕ سرکٲرۍ استاد ہلاک۔

سری نگر: جنوٗبی شوپیاں ضلعہٕ کِس لارگام علاقَس منٛز گٔیہِ جُمعہ دۄہ أکِس سڑک حٲدثَس منٛز زٕ سرکٲرۍ استاد ہلاک۔
خبرو مُطٲبِق گٔیہِ شوپیاں کِس لرگام علاقَس منٛز أکِس گاڑِ تہٕ موٹرسائیکلَس درمیان ٹکراوَس منٛز موٹرسائیکلَس پٮ۪ٹھ سوار زٕ استاد شٔدیٖد زخمی ۔یِم دۄشوٕے آیہِ جلدٕیہ نزدیٖکی ہسپتالَس منٛز نِنہٕ ییٚتہِ ڈاکٹرَو کنٛڈلان شوپیانُک روزَن وول ریاض احمد ڈار موٗدمُت قرار دِیُتمُت، ییٚلہِ زن بیٛاکھ ٹیچر، ییٚمِچ شناخت سجاد احمد ڈار ناوٕ سۭتۍ گٔیہِ، یُس لارگامُک روزَن وول اوس، اوسُکھ ابتدٲئی مرہم پٹی پتہٕ سورا میڈیکل انسٹی ٹیوٹ ریفر کوٚرمُت، مگر سُہ موٗد وَتہِ منٛز۔