معذور افرادَن ہُنٛد بین الاقوٲمی دۄہ: تمام سٹیک ہولڈرَن پَزِ دِویانگجن بااختیار بناونہٕ خٲطرٕ اِکہٕ وٹہٕ کٲم کرٕنۍ: منوج سنہا

جموں و کشمیرٕک لیفٹیننٹ گورنر منوج سنہاہَن چھِ تمام سٹیک ہولڈرَن اپیل کٔرمٕژ زِ تِم کرَن معذور افرادَن ہٕنٛدِس بین الاقوٲمی دۄہَس پٮ۪ٹھ دِویانگجنَس بااختیار بناونہٕ خٲطرٕ اِکہٕ وٹہٕ کٲم۔ تٔمۍ ووٚن زِ معذور افرادَن ہٕنٛدِس بین الاقوٲمی دۄہَس پٮ۪ٹھ گژھہِ اکھ رسائی، شٲمِل تہٕ مساوی معاشرٕچ تعمیر خٲطرٕ پننہِ وابستگی ہُنٛد اعادہ کرُن۔ معذور افرادَن ہُنٛد بین الاقوٲمی دۄہ چھُ پرٛٮ۪تھ ؤرۍ یہِ 3 دسمبر مناونہٕ یِوان۔ امیُک مقصد چُھ معاشرٕ تہٕ ترقی کیٛن تمام سطحن پیٹھ یمن ہنٛدین حقوقن تہٕ فلاح و بہبود فروغ دیُن۔
لیفٹیننٹ گورنرَن ووٚن بۄموارِ دۄہ X پٮ۪ٹھ أکِس پوسٹَس منٛز، "معذور افرادَن ہٕنٛدِس بین الاقوٲمی دۄہَس پٮ۪ٹھ گژھہِ اکھ رسائی، شٲمِل تہٕ مساوی معاشرٕچ تعمیر خٲطرٕ پننہِ وابستگی ہُنٛد اعادہ کرُن”۔ تٔمۍ ووٚن زِ بہٕ چھُس تمام سٹیک ہولڈرَن زور دِوان زِ تِم کرَن دِویانگجن بااختیار بناونہٕ خٲطرٕ اِکہٕ وٹہٕ کٲم تہٕ مُلکٕچ ترقی منٛز تِہنٛز شرکت باوقار پٲٹھۍ یقینی بناونہٕ خٲطرٕ کٔرٕن پنٕنۍ کوٗششہِ دۄگنہٕ۔