داچھی گام انکاونٹر: نامعلوم ملی ٹنٹ ہلاک، آپریشن چھُ جٲری۔

سری نگر کِس داچھی گام جنگلی علاقَس منٛز گوٚو سیکورٹی فورسَن تہٕ ملی ٹنٹن درمِیان مُقابلَس منٛز اکھ نامعلوم ملی ٹنٹ مارنہٕ۔ حُکامن ووٚن زِ دۄشوٕنی فریقن درمِیان گٔیہِ گولہٕ بٲری ژٔنٛدٕروارِ دۄہ شامَس تَمہِ وِزِ شُروٗع ییٚلہِ پُلیٖس تہٕ فوجٕکہِ مُشترکہٕ ٹیٖمو دہشت گردن ہِنٛزِ موٗجوٗدٕگی مُتعلِق مخصوٗص خُفیہ اطلاع پتہٕ داچھی گام کِس جنٛگلس منٛز پیٚٹھِمِس حِصس منٛز تلاشی مہم شُروٗع کٔر۔ تٔمۍ ووٚن زِ تلاشی کاروٲیی دوران گوٚو راتھ رٲژ دۄشوٕنی فریقن درمِیان مُقابلہٕ، ییٚمہِ کِس نٔتیٖجس منٛز مُقابلہٕ گوٚو۔
أکۍ پُلیٖس اَفسرَن ووٚن زِ "مُقابلَس دوران چھُ وُنیُک تام اکھ ملی ٹنٹ مارنہٕ آمُت تہٕ آپریشن چھُ وُنہِ تہِ جٲری”۔ تٔمۍ ووٚن زِ مرن وٲلۍ سٕنٛز شناخت تہٕ تنظیٖمی وابستگی ہُنٛد چھُنہٕ وُنیُک تام پتہ لگاونہٕ آمُت۔
امہِ برٛونٛہہ کٔر کشمیر زون پولیسَن ‘ایکس’ پٮ۪ٹھ أکِس پوسٹہٕ ذٔریعہٕ معلوٗمات فراہم کٔرِتھ ووٚنُن: "خصوٗصی انٹلیجنس اطلاعات کِس بُنیادس پٮ۪ٹھ چھِ سیکورٹی فورسَن ہٕنٛدۍ مُشترکہٕ ٹیمو داچھی گام جنگل کٮ۪ن ہٮ۪رمٮ۪ن علاقن منٛز تلاشی آپریشن شُروٗع کوٚرمُت۔”