عوامی ایکشن کمیٹی تہٕ اتحاد المسلنَس پٮ۪ٹھ آیہِ پوٗرٕ تحقیقات پتہٕ پابٔنٛدی لاگنہٕ: سنیل شرما

بی جے پی کِس حزب اختلاف کِس رہنُما سنیل شرماہن دِیُت وزارت داخلہ ہُنٛد پیپلز ایکشن کمیٹی تہٕ اتحاد المسلنَس پٮ۪ٹھ پابٔنٛدی ہُنٛد فٲصلہٕ اکھ خوش آمدید قدم قرار۔

تٔمۍ ووٚن زِ یِمَن جماعتَن پٮ۪ٹھ چھِ پوٗرٕ تحقیقات پتہٕ غٲر قونوٗنی سرگرمیہٕ (روک تھام) ایکٹ (یو اے پی اے) تحت پابٔنٛدی لگاونہٕ آمٕژ۔

یہِ چھُ یاد یِوان زِ مرکزی حکومتن کٔر میر واعظ عمر فاروق سنٛز سربرٲہی منٛز پیپلز ایکشن کمیٹی تہٕ مولانا مسرور عباس انصاری سنٛز قیادتس منٛز اتحاد المسلمین پٮ۪ٹھ غیر قانونی سرگرمی (روک تھام) ایکٹ، 1967 ہَس تحت پانٛژن ؤرۍ یَن تام پابٔنٛدی۔