جموں و کشمیر: پٲکِستٲنی فوجن کٔر لگاتار نٔوِمہِ لَٹہِ ایٚل او سی یَس پٮ۪ٹھ بےٚ اشتعال فائرنگ۔

فوجی ذرایعو مُطٲبِق چھُ پٲکِستٲنی فوج پٔتمہِ واریاہو دۄہو پٮ۪ٹھٕ جموں و کشمیرَس منٛز لائن آف کنٹرول (ایل او سی) پٮ۪ٹھ جنگ بٔنٛدی ہٕنٛدِس معاہدس خٕلاف ورزی کٔرِتھ بےٚ اشتعال فائرنگ کران۔
تٔمۍ ووٚن زِ 2 تہٕ 3 مئی ہٕنٛز درمیٲنی رٲژ کٔر پٲکِستٲنہِ فوجن کپواڑہ، اُڑی تہٕ اکھنور علاقن منٛز ایٚل او سی اَپارِ بغٲر اشتعال لۄکٹیٚن ہتھیارن ہِنٛز گولہ باری ۔
تٔمۍ ووٚن زِ تَتہِ تعینات فوجی جوانَو دِیُت اَمیُک مؤثر طریقہٕ سۭتۍ جواب۔
وۄنٛہِ گوٚو، دۄشوٕنی طرفن آیہِ نہٕ کانٛہہ تہِ جٲنی نۄقصانٕچ اطلاع۔ یہِ چھُ لگاتار نٔوِم لَٹہِ ییٚلہِ جموں و کشمیر کٮ۪ن سرحدن پٲکِستٲنی فوجن نشانہٕ بنوومُت چھُ، ییٚمہِ سۭتہِ بیٚیہِ اکہِ لٹہِ سرحدی بستِین منٛز خوف پٲدٕ گوٚومُت۔
29 اپریل دۄشوٕنی مُلکَن ہٕنٛدٮ۪ن فوجی آپریشنَن ہٕنٛدٮ۪ن ڈائریکٹر جنرلَن درمیان ہاٹ لائنَس پٮ۪ٹھ کَتھ باتھِ باووٚجوٗد چھِ جنگ بٔنٛدی ہٕنٛدِ محادٕچ خلاف ورزی جٲری۔
یہِ چھُ قٲبلِ ذِکِر زِ 22 اپریل پہلگامَس منٛز وحشیانہٕ دہشت گرد حملہٕ پتہٕ چھُ ایل او سی یَس پٮ۪ٹھ گولہٕ باری ہُنٛد تبادلہٕ ہندوستان تہٕ پاکستانَس درمِیان۔