جموں و کشمیر: ایل او سی یَس سۭتۍ ژورَن جایَن پٮ۪ٹھ کٔر پٲکِستٲنی فوجَن فائرنگ۔

پٲکِستٲنی فوجَن کٔر بۄدوارِ تہٕ برٛسوارِ دۄہ درمیٲنی رٲژ جموں و کشمیر کٮ۪ن ژۄن علاقن منٛز لائن آف کنٹرول (ایل او سی) پٮ۪ٹھ بغٲر اشتعال فائرنگ ۔ یہِ چھُ یاد یِوان زِ ہِنٛدُستٲنہِ فوجن کوٚر بۄموارِ تہٕ بۄدوارِ دۄہ رٲژ ‘آپریشن سِندور’ کہِ حِصہٕ پٲٹھۍ پٲکِستانس منٛز ملی ٹنٹ اڈَن نشانہٕ۔
بۄدوارِ دۄہ جموں و کشمیر کٮ۪ن سرحدی علاقن منٛز گٔیہِ کم از کم 12 شہری ہلاک تہٕ 60 زخمی ییٚلہِ پٲکِستٲنی فوجَن لائن آف کنٹرولَس (ایل او سی) پٮ۪ٹھ سٮ۪ٹھاہ گولہ باری کٔر۔
فوجٕکۍ ترجُمانَن ووٚن زِ 7 تہٕ 8 مئی کِس درمیٲنی رٲژ کٔر پٲکِستٲنہِ فوجی چوکیَو جموں و کشمیرَس منٛز کپواڑہ، بارہمولہ، اوڑی تہٕ اکھنور کٮ۪ن مُخٲلِف علاقَن منٛز ایل او سی اَپارِ لۄکٹٮ۪ن ہتھیارن تہٕ توپ خانن ہُنٛد استعمال کٔرِتھ بےٚ اشتعال فائرنگ ۔ تٔمۍ ووٚن زِ تَتہِ موجود فوجیَو دِیُت اَمیُک مؤثر طریقہٕ سۭتۍ جواب۔