جموں و کشمیرٕچ ریاستی تفتیشی ایجنسی (ایس آئی اے)ہٕنٛدۍ وارِیاہن جاین پٮ۪ٹھ چھاپہٕ۔
جموں و کشمیرٕچ ریاستی تفتیشی ایجنسی (ایس آئی اے) ترٛٲو بٹوارِ دۄہ صبحٲے وسطی تہٕ شُمٲلی کشمیر چٮ۪ن واریٛاہَن جاین پٮ۪ٹھ چھاپہٕ۔ حُکامَو ووٚن زِ یِم چھاپہٕ چھِ خٕطس منٛز ملی ٹنسی سۭتۍ وابستہٕ مشتبہ سرگرمیَن خٕلاف جٲری کریک ڈاؤن ہُنٛد حصہٕ۔ تِمَو کوٚر ذِکِر زِ یِم تلاشی آپریشن چھِ شُمٲلی کشمیر کِس سوپور، بارہمولہ، ہندواڑہَس منٛز تہٕ وسطی کشمیر کٮ۪ن گاندربل تہٕ سری نگر ضِلعن منٛز چلاونہٕ یِوان۔