زنانَن بااختیار بناونس منٛز چھُ نیشنل کانفرنسُک کردار ناقٲبل فراموش: ڈاکٹر فاروق عبداللہ

نیشنل کانفرنسٕکۍ صدر تہٕ سٲبقہٕ وزیر اعلیٰ ڈاکٹر فاروق عبداللہَن ووٚن زِ نیشنل کانفرنسَن چھُ جموں و کشمیرَس منٛز زنانَن بااختیار بناونس تہٕ تِہنٛز سمٲجی تہٕ سیٲسی شرکت یقینی بناونس منٛز ہمیشہٕ اہم تہٕ ناقابل فراموش کردار ادا کوٚرمُت۔ پارٹی ہیڈ کوارٹرَس منٛز زنانَن ہٕنٛدِ ونگ کِس أکِس خاص تقریبس منٛز خطاب کران۔ سرینگرَس منٛز نوائی صبحَن ووٚن زِ پٔتمہِ دٔہلہِ دوران چھِ غٲر یقینی حالات، بدامنی تہٕ اقتصٲدی دباو یُس جموں و کشمیرَس منٛز گوٚومُت چھُ تِمَو چھِ زنانَن سارِوٕے کھۄتہٕ زِیٛادٕ مُتٲثِر کوٚرمُت۔ تٔمۍ کوٚر ذِکِر زِ نیشنل کانفرنسَن چھُ پننِس منشورَس منٛز لوکَن راحت فراہم کرنُک تہٕ خاص طور زنانَن درپیش چیلنجَن سۭتۍ نمٹنُک وعدٕ کوٚرمُت، تہٕ یِنہٕ واجیٚنۍ حکومت تراوِ نہٕ تِم وعدٕ پوٗرٕ کرنس منٛز کانٛہہ کٲم۔