میٲنۍ وفاداری چھےٚ اصولن تہٕ ضمیرَس سۭتۍ: آغا روح اللہ مہدی سُنٛد واضح بیان

نیشنل کانفرنسٕکۍ ممبر پارلیمنٹ آغا روح اللہ مہدی سُنٛد اکھ حالیہ بیان چھُ سیٲسی حلقن منٛز بحثُک موضوع بنیومُت، یَتھ منٛز تٔمۍ صاف پٲٹھۍ ووٚنمُت زِ میٲنۍ وفادٲری چھِ اصولن تہٕ ضمیرَس سۭتۍ۔ یہِ بیان آو تَمہِ وِزِ برونہہ کُن ییٚلہِ نیشنل کانفرنسَس منٛز أمۍ سٕنٛدِ قٔریٖبی سٲتھی آغا سید محمودَن پارٹی ٹِکٹہِ پٮ۪ٹھ آز بڈگام سیٹہِ پٮ۪ٹھ پنٕنۍ نامزدگی کاغذات دٲخل کٔر۔ آغا روح اللہ مہدی یَن لیوٚکھ Xَس پٮ۪ٹھ ‘میٲنۍ وفادٲری چھِ میٲنِس ضمیرَس تہٕ اصوٗلَن سۭتۍ۔ بہٕ چھُس پننِس عیال کٮ۪ن زِٹھٮ۪ن ہُنٛد احترام کران، مگر بہٕ چھُس تِمن درخواست کران زِ تِم کٔرِن نہٕ میانہِ (سانہِ) جدوجہدَس کم سمجھنہٕ۔ اگر تِم نہٕ یہِ سمجِتھ تہٕ اَمیُک حصہٕ ہیکَن نہٕ بٔنِتھ، تیٚلہِ کٔرِو نہٕ کم از کم میانہِ جدوجہد تتھ سطحس تام واتناوُن۔’سیٲسی مُشٲہِدٕ چھِ ونان زِ روح اللہ مہدی سُنٛد پوسٹ چھُنہٕ صرف اکھ عام اظہار بلکہِ اکھ معنی خیز پیغام، یُس نیشنل کانفرنسَس اندر موجودٕ سیٲسی صف بندی تہٕ اندرونی اختلافن کُن اِشارٕ کران ۔