جموں و کشمیرٕکۍ آل راوُنٛڈر پرویز رسولَن کوٚر کرکٹ نِش سبکدوش گژھنُک اعلان

جموں و کشمیرُک مشہوٗر آل راوُنٛڈر تہٕ وادی ہُنٛد گۄڈٕنیُک بین الاقوٲمی کرکٹر پرویز رسولَن کوٚر کرکٹ کٮ۪ن تمام فارمَن نِش سبکدوش گژھنُک اعلان۔ 36 وُہُر پرویز رسولَن دِیُت سَدَہَن ؤرۍ یَن ہٕنٛدِ فرسٹ کلاس کیریئرٕ پتہٕ ژٔنٛدٕروارِ دۄہ بورڈ آف کنٹرول فار کرکٹ ان انڈیا (بی سی سی آئی) پننِس فٲصلٕچ اطلاع ۔
پرویز رسول چھُ تِمَن کھلٲڑٮ۪ن منٛز شمار یِمو قومی سطحَس پٮ۪ٹھ جموں و کشمیر کرکٹَس اکھ خاص شناخت دِژ۔ سُہ اوس نہ صرف جموں و کشمیرُک گۄڈنیُک کھلٲڑۍ یُس ہندوستانٕچ نُمٲینٛدگی کٔر بلکہِ انڈین پریمیئر لیٖگ (آے پی ایل) منٛز حصہٕ نِنہٕ وول علاقُک گۄڈنیُک کرکٹر تہِ۔
پننِس سَداہَن ؤرۍ یَن ہٕنٛدِس فرسٹ کلاس کیریئرَس دوران کٔر رسولَن شاندار کارکردٕگی ہُنٛد مظٲہرٕ، 352 وِکیٹ نِن تہٕ 5,648 رنہٕ۔ بیٹِنٛگ تہٕ بالِنٛگ دۄشوٕنی منٛز پننہِ قٲبلِیتہٕ کِنہِ اوس سُہ ٹیمہٕ خٲطرٕ اکھ بَھروسہٕ منٛد آل راوُنٛڈر ماننہٕ یِوان۔
سبکدوش گژھنہٕ کِس موقعس پٮ۪ٹھ پنٕنۍ جذباتن ہُنٛد اِظہار کران ووٚن پرویز رسولَن زِ ‘ییٚلہِ أسۍ کرکٹ گِنٛدُن شروع کٔرِو، جموں و کشمیرَس منٛز ٲسۍ واریاہ کم لوٗکَن کرکٹَس مُتعلِق زانان۔