*آئی جی پی کشمیرَن کٔر پی سی آر کشمیرَس منٛز جُرمَن ہٕنٛدِس جٲیزٕ کِس اجلاسٕچ صدارت نشا مُکت بھارت ابھیانٕچ پیشرفت ہُنٛد جٲیزٕ*

آئی جی پی کشمیر شری وی کے بردی آئی پی ایسَن کٔر آز پی سی آر کشمیرَس منٛز کشمیر زونُک جُرمُک جٲیزٕ اجلاسٕچ صدارت۔ اَتھ میٹنگَس منٛز کٔر تمام رینج ڈی آئی جی، ضِلعہٕ ایس ایس پی، جے ڈی پی زیڈ پی ایچ کیو تہٕ باقٕے سینئر افسرَو شرکت۔شُروٗعاتَس منٛز کٔر آیی جی پی کشمیرَن پوٗرٕ کشمیر زونَس منٛز جُرمُک اکھ جامع جٲیزٕ۔ اَمہِ پتہٕ آیہِ ضِلعہٕ ایس ایس پی یَن ہٕنٛدِ طرفہٕ تفصیٖلی پیشکش، یِمو پننِس متعلقہٕ دائرہ اختیارَس منٛز مُجرمانہٕ سرگرمیَن رُکاونہٕ خٲطرٕ تُلنہٕ آمٕتۍ اقداماتُک خاکہ پیش کوٚر۔ کتھ باتھ ٲس بنیٲدی طور عام جُرمَن ہٕنٛدِس معاملَس سۭتۍ سۭتۍ این ڈی پی ایس، یو اے پی اے، فرار افراد، تہٕ باقی متعلقہٕ جُرمَن سۭتۍ وابستہٕ مسلَن پٮ۪ٹھ مرکوز۔ مُختٔلِف قونوٗنَن تحت شروع کرنہٕ آمٕتۍ احتیاطی کارروائیَن تہِ آو زیر التوا تفتیشی کاروٲیی ہُنٛد جٲیزٕ نِنہٕ۔آئی جی پی کشمیرَن کٔر جُرمَن ہٕنٛز روک تھامَس منٛز ضِلعہٕ سربراہَن ہٕنٛدِ مُسلسل کوٗشِشن ہٕنٛدِ تعریٖف تہٕ تحقیٖقاتُک معیار بہتر بناونٕچ اہمیتَس پٮ۪ٹھ زور۔