عمر عبداللہ ہس پزِ واضح کرُن زِ نیشنل کانفرنس چھا ناری شکتی وندن ایکٹٕچ حمایت کران یا مخالفت*عبداللہ خاندانن تھوو واریاہَن ؤرین تام آرٹیکل 370 ہس تحت زنانن ہٕنٛدِ حقوٗق محدود,گپکار گینگن دھوکھہٕ جموں و کشمیرٕچ کورِ ڈاٹرز بِلہِ سۭتۍ۔ پی ایم مودی ین کٔر دُنیاہٕچ سارِوٕے کھۄتہٕ بٔڑ زنانَن بااختیار بناونٕچ مُہِم شروع: چُگ*

بی جے پی ہٕکۍ قومی جنرل سیکریٹری تہٕ جموں و کشمیر تہٕ لداخُک انچارج، ترُن چُگَن کوٚر نیشنل کانفرنسَس تہٕ عمر عبداللہَس پٮ۪ٹھ سخت حملہٕ، تہٕ منٛگ کٔرِتھ زِ تِم کَرن ناری شکتی وندَن ایکٹَس تحت زنانَن خٲطرٕ 33 فیصد رِزرویشنَس مُتعلِق پنٕنۍ پوزیشن واضح پٲٹھۍ بیان کَرٕنۍ۔ چُگَن ووٚن زِ ٹال مُطٲبِق بیان دِنہٕ بجایہِ پَزِ عمر عبداللہ ہَس مُلکٕچ زنانَن ونُن زِ تٔمۍ سٕنٛز پارٹی چھا اتھ تٲریخی قونوٗنٕچ حمایت کران یا اَمِچ مُخٲلِفت۔چُگَن ووٚن زِ ؤزیٖر اعظم نریندر مودی سٕنٛزِ قیادتَس منٛز چھُ زنانَن ہِنٛدِ سیٲسی اختیار دِنہٕ یٔقیٖنی بناونہٕ خٲطرٕ اکھ تٲریٖخی قدم تُلنہٕ آمُت، مگر نیشنل کانفرنسُک مبہم موقف۔