*لداخس مِلے پانژھ نٔوۍ ضِلعہٕ، بٔڑۍ انتظٲمی تبدیلی منٛز کُل ستھ*

لداخٕکۍ لیفٹیننٹ گورنر وِنائی کمار سکسینہ ہَن کوٚر ژٔنٛدٕروارِ دۄہ مرکزی زیر انتظام علاقَس منٛز پانٛژھ نٔوۍ ضِلعہٕ بناونُک اعلان، تہٕ قرار دِیُت یہِ اکھ "تٲریٖخی فٲصلہٕ” ییٚمیُک مقصد لوٗکَن ہُنٛد واریاہ کالہٕ پٮ۪ٹھٕ زیر التوا مُطالبہٕ پوٗرٕ کرُن چھُ۔خبر رساں ایجنسی کشمیر نیوز کارنر (کے این سی) کِس اعلانَس مُطٲبِق چھِ نٔوۍ بناونہٕ آمٕتۍ ضِلعن منٛز نوبرا، شام، چانگ تھانگ، زنسکر تہٕ دراس شٲمِل، ییٚمہِ سۭتۍ لداخَس منٛز ضِلعن ہُنٛد کُل تعداد زٕ پٮ۪ٹھٕ سَتھ گوٚو۔أکِس بیانَس منٛز ووٚن لیفٹیننٹ گورنرَن زِ یہِ فٲصلہٕ، یُس گۄڈٕ نریندر مودی تہٕ مرکزی وزیر داخلہ امیت شاہ سٕنٛزِ قیادتَس منٛز وزارت داخلہ طرفہٕ منظوٗری اوس دِنہٕ آمُت، چھُ علاقَس منٛز زمینی سطح ہٕنٛز گورننس مضبوٗط کرنہٕ تہٕ انتظامیہ وکندریقرت کرنہٕ خٲطرٕ اکھ اَہَم قدم۔