*اِنٛڈین ایڈمنسٹریٹو سٔروِس (آے اے ایس) پروبیشنرَن ہٕنٛزِ أکہِ جمٲژ کوٚر اَز یَتہِ وزیر اعلیٰ عمر عبداللہ ہَس مُلاقات *

اِنٛڈین ایڈمنسٹریٹو سٔروِس (آے اے ایس) پروبیشنرَن ہٕنٛزِ أکہِ جمٲژ کوٚر اَز یَتہِ وزیر اعلیٰ عمر عبداللہ ہَس مُلاقات ۔پروبیشنرن منٛز ٲسۍ الفریڈ تھامس، روچیکا جھا، محمد شٲمِل۔ حارث میر، شگُن سنگھ، تہٕ جتیندر کُمار۔کتھ باتھہِ دوران پٕرٛژھ وزیر اعلیٰ جموں و کشمیرَس منٛز تِہنٛزِ موٗجوٗدٕ تعینٲتی مُتعلِق تہٕ کٔرٕن تِہنٛزِ اِنتِظٲمی نوعیتَس تہٕ عام کامہِ ہِنٛدِس اِنتِظٲمی نوعیتَس پٮ۪ٹھ کَتھ باتھ۔نوجوان افسرَن یِہنٛدِس مُستقبِل کوٗشِشن منٛز کامیٲبی ہٕنٛز خواہش دِوان دِیُت وزیر اعلیٰ یِمن زور زِ تِم کٔرِن لوکن تہٕ قومٕچ بہتری خٲطرٕ لگن تہٕ عزم سان کٲم کرن۔